ارجو الاهتمام ....... عاجل

زائر

فى البدايه اشكر ادمن المنتدى على فكره المنتدى واتمنى ان يجعله فى ميزان حسناته.......

ترددت كثيرا قبل كتابه هذا الموضوع وسبب ترددى فى اعتقادى ان هذه المشاركه لن تحرك ساكنا او ستغير شىء لانى وببساطه اعتقد بان كل من يشارك هنا فى منتدى قريتنا العزيزه هو اما متفرج على المنتدى ولا يشارك لا بسلب او ايجاب وهم الاغلبيه الصامته زى مابيقولوا واما من هم يشاركون ببعض المواضيع والاخبار العامه ولهم منا الاحترام ولكنى اتعجب من قله المواضيع الجاده التى تهدف الى طرح مشاكل قريتنا ومناقشتها هنا بين اعضاء المنتدى ومحاوله الوصول للحلول الجاده ونجعل من هذا المنتدى منفسا لنا نناقش فيه اهم ما يواجهنا من مشاكل فى القريه سواء كنا كبار سن او شباب او اطفال .......!!!!!!!

دى كانت مقدمه صغيره قلت فيها كل اللى انا حاسه بيه بمنتهى الصراحه 000 ادخل فى موضوعى ومشكلتى اللى بشعر بيها يوميا وانا رايحه كليتى وهى طريقى من بيتى الى موقف الميكروباص, فى حياتى لم امشى على طريق فى قريه او حتى عزبه بمثل هذا الشكل ... لا استطيع ان اصف كميه التعرج والانحدارات وانعواجات بصراحه مهما اقول مش هلاقى كلام يوصفه . قررت ان اغير اتجاه الطريق وامشى فى طريق اخر لقيته اسوء من الاول وكانت المفاجاه بان كل طرق القريه عباره عن تعوجات وانحدرات انا اسفه جدا جدا جدا واتمنى ان تسامحونى ولكنى مضطره ان اقول بانه ممهد فقط لسير الحيوانات وليس للانسان . بصراحه انا اتعجب من سبب كل هذا ولا اجد اجابه . ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مش عارفه انا بس اللى حاسه بالمشكله دى ولا فيه حد تانى حاسس بيها ومنغصه عليه حياته .... بصراحه ياجماعه اى اقارب ياتوا لزيارتنا اول ما ينتقدوه هى الشوارع وكلهم بيشتركوا فى نفس التعليق " ايه ده الشوارع هنا عامله كده ليه دى مش نافعه لبنى ادمين " بصراحه حاجه تكسف !!!!!!!!!!!!1

انا دلوقت طرحت المشكله فهل من حل

مش عارفه الحل يبقا ازاى ومين اللى يعملوه

اقترح على ادمن المنتدى انه لو امكن من تشكيل لجنه يسميها( لجنه حل المشاكل) ويكون اعضاؤها ناس يثق فى قدرتهم على حل المشاكل ينتقيهم بعنايه من المنتدى ومن خارجه ان امكن ... وتكون مهمتهم هى تحليل المشاكل التى نناقشها هنا فى المنتدى وايجاد الحلول لها وذللك من خلال مخاطبه اهل القريه او مجلس القريه او المجلس المحلى او جهه اخرى ....

Sad

زائر

والله انا سميت نفسي حائرة لأني فعلاً حائرة من كثرة المشكلات التي نعاني منها وفي نفس الوقت مفيش أي حد بيهتم بأي حاجة .. بس تصدقوا ان ده شيئ عادي ؟ تعرفوا ليه ؟ لأن اذاي هنشوف حلول لمشكله واحنا اصلا مش شايفين المشكلة اساساً !!!!!
بصراحة الكل مغمي عنيه وحاطط قطنة في ودنه ... مش عارفه ليه كده ...
أنا بضم صوتي لصوت كاتبة الموضوع اللي انا برد عليه وبناشد السيد مشرف المنتدي بايجاد اي وسيله لعمل لجنة لمناقشة الحلول الخاصه بمشاكلنا ...

والله موضوع الطريق الداخلي للقرية ده موضوع مهم جدا .. بس انا رأيي ان الحل للموضوع ده هو ان كل واحد يصلح المنطقه اللي أمام بيته وبكده تكون النتيجه احسن واسهل بكتير من اي طريقه تانيه ....بس المشكله ان مستحيل ان كل الناس يكون عندها الحافز لكده ... مش عارفه اذاي يتم اقناع الناس بكده .. بس انا في وجهة نظري المتواضعة ان المنتدي ده لازم يكون له نواحي تنفيذية ...يعني مش مجرد افكار لا تنفذ ... الافكار الجميله اللي بنطرحها هنا في المنتدي لازم يكون لها نواحي ماديه في واقعنا ... انا بناشد مشرف المنتدي وبطلبه بنفس الطلب اللي طلبه اخواتي قبل مني وهو القيام بعمل لجنه من شباب يعتمد عليهم لتنفيذ افكارنا اللي بنطرحها دي وإلا سيكون كلامنا كله في الهواء الطلق ..

أنا مستعد أكون ضمن الفريق التنفيذي للمنتدي واناشد مشرف المنتدي بترشيح مجموعه من الشباب وانا متطوع لان اكون ضمن تلك المجموعه لانه شرف كبير لاي شخص ان يكون وسيله لتنمية وتطور قريتنا .. وبالنسبة للموضوع محل النقاش فأنا اتفق مع الاخت نشوي في ان المفروض , بل الواجب علي كل انسان عنده ضمير ان يقوم باصلاح المنطقة التي تقع امام بيته ... بس يا ريت كل انسان يقف وقفة مع ضميره ويراعي القيم والمبادئ التي تربينا عليها كمسلمين ... واحب اشكر السيد مشرف المنتدي علي اتاحة الفرصة لطرح افكارنا وايجاد الحلول لتلك المشاكل التي تؤرق حياتنا وتؤلمنا .. هذا الكلام طبعا لمن عنده ضمير واحساس بالمشاكل ... لان هناك فئة اسميها الفئة المغلوبه علي أمرها . وهي الفئة التي تعيش كالدواب ويعيشون بلا احساس بما يدور حولنا من مشاكل .. ولا اقصد اي اهانه لاحد .. بل اقصد الفئه القليله التي لا دور لها في اي شيئ في حياتنا ويمسون كما يصبحون ... هذا وبالله التوفيق ...

» عاجل .. برعاية الإخوان .. ندوة تناقش قضايا المزارعين ومحصول الأرز بقاعة المناسبات بالأنبوطين