رد علي البرنس جمال

انا عاوزة اعرف فيها إيه يعني ان كل قريه يكون متوافر فيها كل الخدمات؟؟؟ زي عربية مطافي وعربية اسعاف , وطرق مرصوفه .. وكهربا كويسه,, وميه نضيفه,, ولا احنا مش بشر زي الناس اللي في المدن؟؟ وانت بترد كده بالنيابه عن مين ؟؟؟ ولا انت كنت شغال مع النظام السابق؟؟ سيبنا نحلم يا اخي .. اذا ما حلمناش مش هنحقق اي حاجه في سنتنا..(طبعا انا برد علي الاخ ( البرنس جمال ) ... مفيش حد يزعل مني .. انا والله عاوزة مصلحة البلد.,,,,,,,,,,,,,,,شكرا ان انتم استحملتم كلامي ....

البرنسية فاطمة اولا كل عام وانتي بخير وعيد سعيد علينا وعليكي وعلي الامة الاسلامية ان شاء الله . الظاهر ان حضرتك مش عايشه معانا علي كوكب الارض او انك عايشه علي كوكب بنادورة . مطافي ايه واسعاف ايه وكل الخدمات ال انتي بتقولي عليها انها موجودة في باقي القري . الكلام ده طبعا مش موجود ومفيش مانع اننا نحلم بحاجه كويسة زي دي . لكن في اولويات لازم نحطها بعين الاعتبار . حاجات كتيره جدا لازم نشتغل عليها ده مش وقت احلام دا وقت شغل وعمل جماعي وكلنا نبقي ايد واحده . انما نعد كده في بيوتنا ونتكلم وخلاص . دا عاوز ودي عايزة ودول عاوزين . مرحلة الاقوال والاحلام خلاص عدت وماتت مع النظام البائد الفاني . دا وقت العمل والابداع والتعاون علي الخير . واننا نفيد بلدنا ونعمل علي مصلحتها وانا عندي افكار كتير لمصلحة البلد ومحتاج ان الشباب يحط ايده في ايدي والبركه مع الجماعه . طيب علي اي اساس بتقولي اني تبع النظام السابق . علي فكرة ظريفه جدا

» ترحيب بالعضو تامر جمال امين والعضوة نشوي